1
hoeveel mense? Clear all
:
:
:
:
 
 
1 Alle Vlugte kies klas
  • Alle Vlugte
  • Slegs direkte
 

Weet voor jy waai

Vlugte van Johannesburg na Sydney land by die Sydney-lughawe, Australië se belangrikste internasionale lughawe, met meer as 36 miljoen passasiers per jaar. Van hier af is dit net 8 km na die grootste stad in Australië, maklik bereikbaar per trein of bus. Die goedkoopste vlugte vanaf Suid-Afrika na Sydney gaan gereeld via ander reissentrums soos Abu Dhabi of Singapoer, maar daar is ook direkte vlugte vanaf Johannesburg na Sydney. As jy met ’n Suid-Afrikaanse paspoort na Sydney reis, benodig jy ’n visum vir jou tyd daar. Die besoekersvisum maak voorsiening vir vakansie, besoek aan familie of vriende en beperkte besigheidsaktiwiteite. Om ’n besoekersvisum vir Australië te kry, moet jy ’n rekening op die Australiese regering se webwerf skep om vorms en dokumente in te dien, en daarna ’n ander rekening skep op TLSContact om ’n afspraak te maak. Sydney is die oudste, grootste en mooiste stad in Australië, met beroemde bakens, insluitend die Sydney-operahuis en wêreldbekende strande soos Bondi. Besoekers kan die stad se museums, naglewe, branderplankry en ongelooflike kos geniet en selfs die natuurryke gebiede met baie wilde diere rondom die stad verken.

 

Vlugte na en van São Paulo

Direkte vlugte van Johannesburg na Sydney is beskikbaar met die Australiese nasionale lugredery, Qantas. Ander lugdienste wat na Sydney vlieg, sluit South African Airways, Cathay Pacific, Qatar Airways en Singapore Airways in. Met geen stoppe nie, duur die vlug van Johannesburg na Sydney ongeveer 11 uur en 45 minute, maar jy sal moontlik reistye van tot 30 uur of langer hê as jou vlug op pad op ander plekke ook gaan land, of as jy van Kaapstad via Johannesburg na Sydney vlieg. Die Sydney-lughawe is in die voorstad Mascot, ongeveer 8 km suid van die middestad, geleë.

 

Kyk en doen hiérdie dinge

Twee van die belangrikste toeriste-attraksies in Sydney is die beroemde Sydney-operahuis en die Sydney-hawebrug of “Klerehanger”, wat die grootste staalboogbrug in die wêreld is. Jy kan ’n begeleide toer deur die operahuis, ’n UNESCO-wêrelderfenisgebied in die vorm van skulpe of die seile van ’n skip, onderneem, of dit sien tydens ’n hawevaart. Dit is ’n wonderlike manier om die stad te sien, en as jy gedurende die winter in Sydney is, neem die walviskykvaart jou verby Sydney Heads om die migrasie van hierdie pragtige diere te sien. As jy op soek is na avontuur in Sydney, is die Sydney BridgeClimb ’n 135 m-klim van 3½ uur tot by die toppunt van die Sydney-hawebrug se boog. Cadman’s Cottage, die oudste oorlewende huis in Sydney, uit 1816, is ’n gewilde besienswaardigheid in die geskiedkundige Rocks-omgewing. Die Rocks Discovery Museum verken die geskiedenis van die gebied – eens ’n tuiste van die Gadigal Australiese bevolking en toe vir gevangenes wat hul tente op die rotsagtige inham opgeslaan het. Darling Harbour is ’n voetgangersgebied met winkels en restaurante, plus museums en vermaakplekke vir die hele gesin, insluitend Madame Tussaud’s, die Wild Life Sydney-dieretuin en die Sea Life Sydney-akwarium. Besoeke aan die Sydney Tower Eye, die hoogste gebou in Sydney, en die Royal- botaniese tuin word ook aanbeveel. Die Bangaroo-wildreservaat is ’n ander gewilde plek in Sydney. En die strande in Sydney is natuurlik ’n moet! Bondi Beach is bekend vir branderplankry, kafee-kultuur en mense-kyk, met ’n pragtige stappie van Bondi-strand na Coogee, maar daar is ook ander ongelooflike strande. Jy kan ’n motor huur en met die kus langs reis na plekke soos Jervisbaai, of probeer Manly of Bronte as jy verkies om in die Sydney-omgewing te bly.

 

Inkopies

Sydney het hope plekke vir inkopies – van winkelsentrums tot markte, boetieks tot fabriekswinkels. Die Koningin Victoria-gebou (QVB), wat tussen 1893 en 1898 as ’n marksaal gebou is, is pragtig gerestoureer en huisves meer as 200 eksklusiewe winkels. Centrepoint Tower Westfields het ses verdiepings met mode-, kos- en leefstylwinkels, insluitend groot name soos Gucci en Calvin Klein, plus Australiese winkels soos Supre en Dotti. Jy kan ook die Sydney Tower Eye hier besoek en die Pitt Street Mall verken – een van die besigste winkelsentrums in Sydney, reg langs Westfields. World Square is nog ’n lekker inkopie- en eetplek, terwyl die Harbourside Shopping Centre in Darling-hawe ’n kegelbaan en lasersentrum bied, asook baie winkels en kos. As jy daarvan hou om deur markte te snuffel, mik na Market City en die beroemde Paddy’s Market, met Oosterse kruideniersware, mode en fabriekswinkels. Die mark bied ook aandenkings en vars vrugte, groente en blomme, klere, juweliersware en huisware, en ’n aantal winkels soos Converse en Cotton On. Die Rocks Markets, wat oor naweke gehou word, bied ongelooflike kunswerke deur vakmanne al langs die geplaveide straatjies, en dit is die gebied vir pasgemaakte, handgemaakte goedere, bakkerye, boetiekwinkels en luukse ontwerpe. Vir vintage-inkopies, besoek Glebe Markets, wat bekend staan as een van Sydney se beste oudhedemarkte.

 

Vervoer

Treine en busse ry daagliks van 5 vm. tot middernag na en van die Sydney-lughawe. Per trein is dit net 13 minute vanaf die Sydney-lughawe tot in die stad. Airport Link bied ’n vinnige, gerieflike manier om vanaf die lughawe na Sydney se voorstede en die stad te reis, met treine elke tien minute of so. Openbare vervoer in Sydney werk op ’n slimkaartstelsel genaamd Opal. Die goedkoopste manier om in Sydney te reis, is om ’n Opal-kaart te koop en daarmee aan en af te tik om jou tariewe vir treine, busse, veerbote en trems te betaal. Jy kan ook enkelkaartjies koop indien jy dit verkies. Uber is ook gewild, en jy kan ook taxi’s gebruik of ’n motor huur as jy baie in Sydney en omstreke wil rondry.

 

Verblyf

Jou keuse van verblyf in Sydney moet nie net jou begroting in ag neem nie, maar ook die gebied waarin jy wil bly. Nadat jy besluit het watter plekke jy wil besoek, kan jy kies tussen die hotelle, Airbnbs of hostelle wat in die omgewing beskikbaar is. As jy vir ’n paar dae lank in Sydney gaan wees, is die Circular Quay-gebied, regs by die Sydney-hawe, ’n goeie opsie. Die Rocks, waar geskiedkundige Sydney-geboue die kollig met die Sydney-operahuis deel, sal ook baie goed werk. Daar is talle goeie restaurante en kroeë hier en vervoer is toeganklik. Darling-hawe is ’n uitstekende keuse vir gesinne met baie doendinge in die nabye omgewing, terwyl paartjies wat op soek is na ’n romantiese vakansie, na Manly moet kyk as hulle verkies om ’n bietjie meer afgeleë wil wees. Diegene wat teen met ’n skrapse begroting na Sydney reis, kan Potts Point of Kings Cross oorweeg, maar as jy wil koop tot jy omval, is die sentrale sakekern vir jou! Die meeste bekende hotelgroepe is hier. Paddington en Newtown bied ’n wonderlike uitsig oor Sydney, terwyl kosliefhebbers hulle gate uit sal geniet in Surry Hills, Paddington of Potts Point.

 

WegReis sê

Die Sydney BridgeClimb is een manier om die Sydney-hawebrug uit te klim, maar reisigers met ’n knap begroting, kan ’n wonderlike uitsig vanaf die brug se suidoostelike spantoring kry. Jy moet 200 trappies na bo te klim, maar die panoramiese uitsigte oor Sydney – en die bekostigbare prys – maak dit die moeite werd. ’n Verdere wenk is om ’n besoek aan die Blue Mountains te prioritiseer. Hierdie ongelooflike bergreeks is slegs ’n uur van die stad af, wat dit ’n perfekte daguitstappie vanaf Sydney maak. Jy kan ’n begeleide toer meemaak, of self die grotte en asemrowende uitkykpunte verken. Wattamolla in die Royal- nasionale park is nog ’n fantastiese daguitstappie – met ’n pragtige strandmeer, inham, waterval en staproetes, ook net ’n uur se ry van Sydney af.